呢個blog係因為記錄我地整個wedding而建立，亦將會在收到Simon既相之後就會正式結束。係呢一年裡面所記下既點滴，你地既留言，我諗我倆呢一生都唔會忘記，多謝大家！！！無言感激！！
呢個blog係唔會消失的，(除非blogspot執笠啦！haha!!)因為呢個blog係我倆送比自己既結婚禮物，所有心機都係晒裡面。由於唔想見到佢既瀏覽次數開始少.....甚至係零，所以忍痛向大家say goodbye!!! 之後我倆既生活點滴大家就要轉過去dm個blog啦！！（記得加多一個bookmark呀）
dm-wedding's blog
bye!!
又黎啦！！
• 我地去幾日都幾好天！！
• 好好味呢~~
• 叫到一枱都係
• 食之前梗係要同d野食照張相先啦!
• 清晒！XDDD
• lee日我地join埋rita一齊去環球片場玩!!唔知佢地講緊咩??
• 我地三個合照
• lee張相影到個個都好開心!!
• 您話lee兩條友做咩.....
• go go go
• 佢地一見到就......失控咁跑埋去話要影相......
• 成個trip當佢地睇緊食咩玩咩既時候，就係我自拍之時....
• 食飽先玩!
收工啦post住咁多先....
• 搭lift又影
• 少少大阪街頭相
• wow!!!我既兒童天地!
• 一動一靜!
• 影得Mabel幾靚hehe
• me & mabel
• 諗野.....
• 今次日本既相最喜歡的一張!! I LOVING IT!
:our time has come:
「our 930」(請按此)
「our life」(請按此)
「our jobs」(請按此)
擒晚見返您地真係好開心呀！！一齊睇返d video同相真係笑爆嘴，擒晚我都影左d相仲係新機開齌tim，唔多講睇相啦!!
• 等食等到咁既樣??
• Peter仔諗緊我地食咩好!
• 又一個等食等到......zzzzz
• 未食得睇住少少329片段先啦！
• 好似都幾好睇!
• lee個同學仔睇得好留心
• 埋位即時開心晒XDD
• 真係好大隻wow
• 實在影左好多能仔既相!!佢真係冇改錯名XDD
• 一個好滿足既笑容XDD
• Happy Birthday Suky
• Peter影得我幾有型XDD
:our time has come:
「our 930」(請按此)
「our life」(請按此)
「our jobs」(請按此)
等左半個幾月仲終有相睇啦!!(一部份啦!)主要係group photo但軍火庫又點會靜影group photo ar!!所以我搵左d出黎同大家分享下。另外d snap就.........都係果句等下啦!
• group photo sample one XDD
• 衝呀!
• 辛苦豹哥啦！！頂住呀!
• 一頭都係米啦!
• 成日冇時停!
• 好味呀!
• 好開心的45分鐘...
• 用盡全身既气大叫:::::GOOD SHOW:::::
• 多謝您地既掌聲同尖叫聲，lee一刻我地一世都會記住
• 大大聲::飲杯::
• 眼淚•是我們真的感動
• 朋友們：好玩嗎?
• 相中邊個最開心hehe
p.s.仲有仲有！當日既group photo我upload晒上album la(up左好耐.....)link係
http://www.fotop.net/dmwedding/dmwedding44
password係:我手提電話number!!!
今次我地影左好多相，所以執到幾張就post住同您地分享下!!
• 上機啦!
• 落左機個樣係得襯d~XDD
• 我就好鐘意lee張
• 我地既合照!
• 今次旅行梗係要影多d mabel啦!!
• 我自己好鐘意lee張
:our time has come:
「our 930」(請按此)
「our life」(請按此)
「our jobs」(請按此)
Duck:
329過去了..............真係諗左好耐應該點開始寫lee篇329後感，因為實在太多回憶留係腦裡面，好開心329同我地想要既婚禮好接近，成件事由零開始到完成我地真係擺左好多好多心機同時間落去，由第一日開始我地巳經知道婚禮只係得一日，所以我地好想將lee個難忘既回憶拉長黎享受，所以我就開始寫blog去記錄底成個329既形成過程，一黎等自己可以第時回憶，二黎就係想329既每一位都能夠明白我地lee個婚禮既目的唔係一餐飯咁簡單，lee樣真係好緊要可以令睇過blog既朋友再黎到既時候可以有更深既感受。
十個月時間中我地真係遇到好多問題，令我真真正正體驗到兩個人一條心去做好一件事所帶黎果種開心同滿足感，我真係要好多謝我太太佢真係比左好大既支持同認同我，令我可以好方心去做每件事，lee種感覺真係好正。黎緊既新生活我地都會一樣努力同比心機去令每日都咁精彩。
329由開始到成形當中真係要多謝好多人，真係要好大聲講句我愛您地呀!!!冇咗您地...我地無可能可以咁方心咁玩得咁顛，喊得咁盡情，笑得咁真。您地既努力令我地留下好多好多回憶，真係一世回味!!老土d都要再多謝您地為329既投入、負出同意見，令我地有一個一世難忘既婚禮!
p.s.放心啦！我會努力盡快比329既相同短片您地回憶返!
Mabel:
一個婚禮由零到圓滿真係唔係一件容易既事....而我倆亦偏偏選擇了一個最不容易既方式「所有事都親力親為」。由影婚紗相開始...諗主題、Book Studio、搵攝影師、租傢俬、所有兄弟姊妹影相時著既紅白藍、我倆Adidas上既閃石....到婚紗相既後期製作、相簿、油畫等等，都係自己一手一腳去諗去做，到中段排舞.....Dancers亦都係由零到可以跳到成隻舞，當中經過好多次練習，由起初好擔心Dancers會中途放棄，曾經同排舞師欣昕商量過有可能要請外緩幫手....到真係可以原班人馬上陣...Good Show....亦都係一個創舉.....姊妹裙多次既fitting.....搵披肩....帖既design...搵料睇木材做testing....Backdrop既Design...搵布料Lace及backdrop字的閃粉...到後期既片頭、300張相既slides、312註冊既highlight....花車Design.....發神經無啦啦仲要堅持親手黏多一本相簿.....當中所花既心機我相信只此一次吧！！不過當中十分好運的是我倆有一班非常之幫到手既兄弟姊妹，當中有好多細節都幫我地做晒，例如所有文書、聯絡兄弟姊妹開會、book場地排舞、backdrop & 花車 design + production，Rundown編排 + Check list、玩新郎遊戲的道具等等....都唔使我地去擔心，只要講一句，就已經有佢地辦妥，所以呢個婚禮咁順利都係因為有佢地！
由day one決定攪呢個婚禮，我同呀duck最希望見到的都係329見到了，而比我地當初想像的還要好....還要震憾。最記得的一幕就係敬酒....當我同呀duck行到去兄弟姊妹０個兩圍....眼見到既情境，我諗我呢一世都唔會忘記....眼淚亦都忍唔住....見到你地既眼淚，我同呀duck仲崩潰(好大單）....真係要多謝大家....因為我倆感覺到你地Ｄ眼淚唔係假的....係真心的，我相信係因為大家都好投入先會咁樣。
特別鳴謝：靚靚coco....見到你做到個頭亂晒都無去整，平日每分每秒都好靚既coco係唔會容許自己咁樣，你好叻！
祕書小姐....因為有你既安排，我真係無膽心過任何野同埋無理所有野，好放心去玩！
能仔....Well Done!! 你跟個backdrop跟得好好，你連保齡都無去玩，好乖！
呀麗....我當日既財產你幫我分得好清楚，仲要你幫珍姐分埋，唔該晒！
Jo Lam, Gianne & 亞宗....你地為場舞出過既心機、時間同堅持，我真係好感動！
So Funny....你熨晒全場Ｄ衫呀！唔該晒！
Suky....無言感激！(多謝你個結婚小Cake Cake，好好味呀！)
四哥....又愛又恨~~ 你每次出現都會有驚喜，多謝你個紫色閃粉頭！
Manson & Monet...多謝您為豹哥度身做既靚衫真係型到爆!!
Mike....因為我地既麻煩要你上網訂０左對比市價貴好多既Converse!!
Peter.....唔洗講啦::在心中!::
Ivan....要你成晚跟住我地雙方家長影相，麻煩晒！
龍生....多謝你咁比面扮得咁型仔! (識你咁耐，見你扮得最靚仔就係329)
Raymond....全晚既視聽環節都夾得十分之好 (亦都要多謝你為了我地特登買了一套新西裝）
眼涙 ． 是我們真的感動
感動 ． 是您們的全情投入
開心 ． 全因與您分享愛
正式既相就未有啦！我都知您地好心急，所以我輯埋左由朋友仔影埋既相：
http://www.facebook.com/album.php?aid=21514&id=649496864
http://www.facebook.com/album.php?aid=36021&id=545657213
http://www.facebook.com/album.php?aid=36022&id=545657213
http://www.facebook.com/album.php?aid=19213&id=724859564
http://hk.myblog.yahoo.com/carmenyin17112007/article?mid=1554
http://hk.myblog.yahoo.com/carmenyin17112007/article?mid=1556
• 再加埋當晚播既312highlight
• 再加埋秘書小姐錄底我地彩排情況
• 再再加埋rambo錄既video hehe
